ویب ڈیسک:نیوزی لینڈ کے کپتان ٹام لیتھم پاکستان کے خلاف ون ڈے سیریز سے باہر ہوگئے۔

نیٹ پریکٹس کے دوران کپتان ٹام لیتھم کے دائیں ہاتھ میں گیند لگنے سے فریکچر ہو گیا جسکی وجہ سے وہ پاکستان کیخلاف3میچز پر مشتمل ون ڈے سیریز سے باہر ہوگئے۔

انجری کے بعد ہنری نکلز کو ٹام لیتھم کی جگہ سکواڈ میں شامل کر لیا گیا ہےجبکہ ٹی ٹوئنٹی سیریز میں کپتانی کرنیوالےمائیکل بریسویل کپتانی جاری رکھیں گے،نیوزی لینڈ کرکٹ بورڈکے مطابق ول ینگ بھی صرف پہلے ون ڈے میں دستیاب ہوں گے، وہ بچے کی ولادت کیوجہ سے باقی میچز نہیں کھیلیں گے۔

خیال رہے کہ پاکستان اور نیوزی لینڈ کے درمیان3میچز پر مشتمل ون ڈے سیریز کا آغاز29مارچ سے ہوگا، سیریز کے دیگر میچز 2اور5اپریل کو کھیلے جائیں گے،پاکستان اور نیوزی لینڈ کے درمیان پہلا ون ڈے میچ نیپیئر میں کھیلا جائے گا۔

میزبان نیوزی لینڈ نے پاکستان کے خلاف 5 میچز پر مشتمل ٹی ٹی ٹوئنٹی سیریز 1-4 سے اپنے نام کی ہے۔